– وه‌كو كه‌ڤنترین كه‌ره‌سته یا ده‌نگ و ڕه‌نگ سینه‌ما وه‌كو هۆنه‌ر ل نیڤا سالا (1920) ێ گه‌هشتیه كوردستانێ.
– هه‌ر ئێك ژ ئێكه‌تیا سۆڤیه‌تیا جاران و عێراق ب چاڤ وه‌ڵاتێن دى كه‌ند و كۆسپێن سیاسى كێمتر كاریگه‌رى كریه سه‌ر گه‌شه‌كرنا هۆنه‌رێ سینه‌مایێ ب تایبه‌تى به‌رى و پشتى سالێن (1920) ێ.
– بۆ ئێكه‌مین جار ل نیڤا سالا (1920) ێ دوو فیلم ل قه‌فقازا سۆڤیه‌تى كو باسى ژیانا كوردان به‌رى و پشتى شۆره‌شا ئۆكتوبه‌رێ – 1917) هاتیه نمایشكرن، لێ هه‌ردوو فیلم ب زمانێ كوردى نه‌بوون.
– ئێكه‌مین جار فیلمێن سینه‌مایی ل ده‌ڤه‌رێن كوردنشینێن عێراقێدا هاتیه نمایشكرن، بۆ گه‌لاڤێژا سالا (1925) ێ باژێرێ سلێمانییى هاتیه په‌خشكرن.
– دروستكرنا فیلمان ل عیراقى دیارده‌كا نوییه، دناڤبه‌را (1920 – 1950) ب تنێ دوو فیلم لسه‌ر كوردستانێ هاتینه چێكرن ئه‌ژى ب ده‌ستێ ده‌رهێنه‌رێن بیانى هاتیه چێكرن. هه‌ر دیسا پشتى سالا(1970)ێ هنده‌ك فیلم بۆ ئێكه‌مین جار ب ژیرنڤیسێ كوردى هاتیه په‌خشكرن.
– پشتى رێكه‌فتنناما (11) ئازارێ ل هه‌رێما كوردستانا عێراقێ، دوخا سینه‌ماییێ دكه‌ڤیته د قۆناغه‌كادیدا، ئه‌ڤ قۆناغه ب په‌یدابوونا كادر و ده‌رهێنره و ئاڤاكرنا رێچك و مێتودێن سینه‌ما هۆنه‌ر دیار دكه‌ڤیت.
– ل كوردستانا رۆژهه‌لات فیلمسازێ كورد (ته‌یموور پاتائى) ل سالا (1984) ێ دوو فیلم ب ژێر ناڤ و نیشانێن (نان و ئازادى و كه‌له‌گورگ) به‌رهه‌مئینا.
– ل باكورێ كوردستانێ (یه‌ڵماز گونایی) ئه‌كته‌ر، ده‌رهێنه‌ر، نڤیسه‌ر و روماننڤیس و چالاكڤانێ سیاسی دهێته نیاسین، وەك سەركێش سینه‌میا شۆره‌شگێری یا كوردی خولقاندیه ژ به‌ر به‌رهه‌مێن وی یێن شۆره‌شگێری هاتییه زیندانیكرن، فێلمێ ب ناڤ و ده‌نگێ وی ب ناڤێ (رێ – یول) كو خه‌لاتێ (پاڵما دووری) یا سه‌ر ب ڤیستیڤالا (كان) ل سالا (1982) ێ ب ده‌ستخست و ئه‌ڤ فیلمه هه‌تا سالا (1993) ێ ل ته‌ڤایا توركیا قه‌ده‌غه بوو.
– ل سالا (1990) ێ ل عیراقێ، قه‌ولبوو ب پشكداریكرنا پتر ژ (100) ئه‌كته‌رێن كورد پشكداریێ د به‌رهه‌مه‌كێ مه‌زن یێ سینه‌مایێدا بكره‌ن ب ناڤێ (مه‌م و زین) ، ژ به‌ر ده‌ستێوه‌ردانێن ده‌وله‌تێ یێن سیاسى و ژ ئه‌گه‌رێ شه‌رێ كه‌نداڤێ دناڤبه‌را (1990 – 1991) ێ ته‌مام نه‌بوو.
– دیسان ل باشورێ كوردستانێ به‌رهه‌مێ فیلمێ (نێركز بووكى كوردستان) ل رۆژگارێن داگیركرنا وه‌لاتێ كوێتى ب ده‌ستێ عێراقێ ل خه‌رمانا سالا (1990) ێ ب ده‌ستێ ده‌رهێنه‌ره‌كێ كورد ب ناڤێ (مه‌كى عه‌بدوڵا) هاته دروستكرن.
– به‌رهه‌مێ (گه‌له‌گورك و تۆنێل) ل سالا (1993) ێ ژ لایێ ده‌رهێنه‌رێ كورد (مه‌هدى مه‌هدى ئومێد) هاتنه به‌رهه‌مئینان.
– ل باكورێ كوردستانێ ده‌رهێنه‌ره‌كێ دى یێ ب ره‌گه‌ز كورد ب ناڤێ (ئومێد ئیلجى) فیلمه‌ك ناڤ و نیشانێن (مه‌م و زین) ل سالا (1992) ێ ب زمانێ توركى به‌رهه‌مئینا و پاشى بۆ زمانێ كوردى هاته دوبلاژكرن.
– ل باكورێ كوردستانێ ده‌رهێنه‌ره‌كێ دى یێ كورد ب ناڤێ (نیزامه‌دین ئاریچ) ب په‌یڕوكرنا (یه‌لماز گوناى) ل ده‌رڤه‌ى وه‌لاتى دوو فیلم ب ناڤ و نیشانێن (سترانه‌ك ژ بۆ بێكو) و (باستیا) ل سالا (1992 – 1993) ێ به‌رهه‌مئینا.
– پشتى به‌حس و گه‌نگه‌شه و كومبوونێن ره‌وشه‌نبیر و هۆنه‌رمه‌ندێن كورد و ئه‌رمه‌نێ بۆ ئێكه‌مین جار ئستۆدیۆیه‌كا سینه‌ما كوردى ل ئێریڤانا (پایته‌ختێ ئه‌رمه‌نستان) ێ هاته دامه‌زراندن.
– دناڤ ره‌ڤه‌ندێن كوردیا ل ده‌رڤه‌ى وه‌لاتى ده‌رهینه‌ره‌كێ كوردێ كه‌ركوكێ (سه‌لمان قایق) دوو به‌رهه‌مێن سینه‌ماى ب ناڤێن (ئاسوو و چاره‌نووس) به‌رهه‌مئینایه.
