ئیبراهیم سادق مەلازادە
نووسەر و ئەکادیمییە، تایبەتمەندە لە بواری جینۆساید. ئیبراهیم نووسەری کتێبی “ڕەگوڕیشەکانی جینۆسایدی کورد لە عێراق”ـە کە بە ئینگلیزی بڵاوبۆتەوە، ڕۆمانێكیشی بەناوی “لەو دیو شەپۆڵی ڕەشەباکانەوە” بە زمانی کوردی بڵاوکردۆتەوە. زیاتر لە پازدە توێژینەوەی بە ئینگلیزی و عەرەبی و کوردی لە گۆڤارە ئەکادیمییەکان بڵاوکردۆتەوە، ئەمە وێڕای نووسینی بەردەوامی لە ماڵپەڕ و ڕۆژنامەکاندا. ئیبراهیم لە نەوەتەکان لەپاڵ کاری پارێزەریی لە دادگاکانی هەرێمی کوردستان، کاری ڕۆژنامەگەریشی کردووە. کتێبی “قەیرانی فیکری هاوچەرخ”ی لە عەرەبییەوە کردووە بە کوردی. بۆ چەندین ساڵ لە زانکۆی کۆیە و سۆران مامۆستا بووە، مامۆستای میوانیش بووە لە زانکۆی سەڵاحەدین و تیشك. لە ٢٠٢١ توێژەری پۆست دکتۆرا بووە لە زانکۆی کۆڤێنتری، بەریتانیا.
