زیاد ڕه‌شاد قادر
توێژەر و نووسەر و ڕۆژنامەنووسە، بڕوانامه‌ى به‌كالۆریۆسى له كۆلیژى كارگێڕى و ئابووریی لە زانكۆى سه‌لاحه‌ددین وه‌رگرتووە، ماسته‌رى له ئه‌ده‌بى كوردى له زانكۆى یوزنجو یل له شارى وانى باكوورى كوردستان به ده‌ست هێناوه و تێزى ماسته‌ره‌كه‌شى له‌سه‌ر ئه‌ده‌بى منداڵان بووه. ئه‌ندامى كاراى سه‌ندیكاى ڕۆژنامه‌نووسانى كوردستان و ئه‌ندامى یه‌كێتى نووسه‌رانى كورده. چه‌ندین لێكۆڵینه‌وه و گوتار و ستوونى ڕۆژنامه‌وانى و ده‌قى ئه‌ده‌بى و ڕیپۆرتاج و گفتوگۆى ڕۆژنامه‌وانى و شیعرى منداڵانه‌ى بڵاو كردووه‌ته‌وه و ژماره‌یه‌ك له شیعره‌كانیشى كراونه‌ته گۆرانى. ئه‌ندامى ده‌سته‌ى نووسه‌ران و به‌ڕێوه‌به‌رى نووسین و سه‌رنووسه‌ر بووە له ژماره‌یه‌ك گۆڤار و ڕۆژنامه‌دا. خاوه‌نى 13 كتێبى چاپكراوه، له بواره‌كانى زمان و شیعر و نامه‌ى ئه‌ده‌بى و ئه‌ده‌بیاتى منداڵان.
