موسا عەبدولا
دەستەواژەیا فیمینیزمێ”کادنجلیک” مرۆڤ تێخە ناڤاژیانکرنا خوەزایا مرۆڤێن دەڤەرێن ئاناتولیایێ، بوچی؟ ژبەرکو تایبەتمەندیا مێرسالاری، واتەیاخوە دەسەلاتا زەلامێ سەردەست، ل دەڤەرێن ئاناتولیایێ خویادکەت و دیاردبیت، ئەڤ یەک ژی ژ پێناسەیەکا لۆژیک خوەزایا ژنێ دوورە، ژبەرکو توندبوون و توندرەویا ژنێ ل دەڤەرێن ئاناتولیایێ دگەل زهنیەتا مێرسالاری مێرێ سەردەست دبن یەک.. ژیان بەر ب ئاقارێن نەخوەزایی دمەشیت، ئەها دڤان هێلاندا ژی ژیانکرنەک نەزووکی دهێت هەبوونێ؟! وەها دیاردبیت ژنێت چەوساندی/ بندەست، مێر ژى بالا دەست دبیت. د بنگەها خوە دا ژن ژ ڤی یەکێ مەزنترە، ژ رەهەندێن رەگەزی ب مانەیا رەهەندا ئابووری،جڤاکبوون، سیاسەتێ ژ خوە دگریت، ب ئەگەرا چەمک و پەروەردەیا داگیرکاریێ دچوارچۆڤە، وەلات و نەتەوان دەرباز دبن و ل سەر گرۆپێن مرۆڤی، پەیرەوبکەین، د راستیا خودا هیچ دیاردەیەکا جڤاکی د هێلا جەستەیی و روح ب قەدەر ژنێ نەهاتیە داگیرکرن؟ ئەگەر ژن د پێگەها خوە دا ستاتویا کۆلۆنیالی ب ئاوایەک ئاسان دیارنەکەت، د ڤان هێلاندا ئەڤ مژارە د ئاستا هەموو زانستاندا دیار دبیت، هەڤدەم زانستێن کومەلایەتی دا مێران مۆهرا خوە ل دەسەلاتا خوەازیێ دایە. لەورا”لێدان، کوشتن، بندەستى، شەرێ دەروونى ـ سایکۆلۆژی و توندوتیژى ـ ئەشکەنجێ مێژوویا شارستانیا مروڤاهی پەردەپوش کریە!، چل”جارا راستا ژنێ ژی هاتییە ڤەشارتن.
چارەسەریا گرنگ د ڤان هێلاندا چییە؟ هەڤدەم کو د سەدەیا بیست و ئێکاندا بزاڤا فیمینیزمێ بالادەستیا خوە ل سەر سیستەمێن جیهانێدا گرتییە، وەکە ئیدیۆلۆژیەک بالادەست ژ هێلا سیستەمێ سەرمایەداری هەڤدەم وەکە هەڤپەیمانیا ئیدیۆلۆژیا (فینیناسى ـ ئابووریناسى) ئها د ڤان خواندنان دا چ پێویستە جڤاکێن مرۆڤاهی ساخلەم بژین، گرنگە ب ئەگەرا هەبوونا چەمک و زانستێن خوەزایی ب خوەزایا ژنێڤە ئەلقەدار بن.د ڤان هێلان دا ل جهێ (ئیدیۆلۆژیا فیمینیزمێ ئەم دکارین( زانستا ژنۆلۆژی/ بێخین سەرخەت) زانستا ژنۆلۆژی ژ کوڤە هاتییە؟ تێخەبتین و ئاشکەراکرنا هناڤێن زانستا ژنۆلۆژی واتەیا خوە ژ واتەیا ژنناسی ـ (خوداناسی ـ ئاخرەتناسی سیاسەتناسی ـ زانستێ پەروەردەناسى و… هتد ئەڤ زانست د ڤان چەمکان دا هاتییە هەبوونێ داکو زانستا سۆسیۆلۆگى رێکبێخیت، خوەزایا ژنێ دیاربکەت، پێداکوژی ـ پەروەردە ب واتەیا خوە یا زانستى ڤە، پەیڤەک یونانی یە ل سەر بنەمایێ، چاوانیا پێناسەکرن و بووچوونێت جودا جودا ل سەر دەما فیلۆسۆفێن یونانیا جهێ دیالۆگ دانوستاندنێ گرتبوو، ب گشتی واتەیا (پێداکوژى/ ب واتەیا زانستا (پەروەردەیی، بنەمایێن خوەندنێ دهێت. ژ ئالیێ زانینگەهێن فیلۆسۆفێن یونانیان و زانینگەهێن هەمە جۆر هێلا دەرونناسی و پەروەردەى ڤە، ل سەر بنەمایێ( ژن، خەبات، ئازادی ب شێوەیێن تەندروست هاتییە زمان، لەورا ژن دکارە ب زانستا ژنۆلۆژی ئارمانجێن خوە ژ نوو ڤە ناس بکە و پێک بینە.
